Статистикалык маалыматтарга караганда, соңку жылдары чечим чыгаруучу органдарда аялдар азайып баратат. "Депутаттардын үчтөн бири аялдар болушу керек" деген талапка карабастан гендердик тең салмактуулук Жогорку Кеңеште да сакталбай, ушу тапта 120 депутаттын арасында болгону 19 гана саясатчы аял бар. Ал эми айылдык кеңештерде аял депутаттардын саны соңку он жылда дээрлик 10% кыскарган.