Жогорку Кеңештин депутатынын Казакстанда кармалышы коомчулуктун кызуу талкуусуна түштү. Депутат жана аны менен кошо кармалган эки кыргызстандык жаран коңшу өлкөдө "ири өлчөмдө аткезчилик кылган жана трансулуттук кылмыш тобуна тиешеси болгон" деп айыпталууда. Бул окуянын төркүнү эмнеде жана ал эки өлкө ортосундагы мамилеге кандай таасир этиши ыктымал? Депутаттын мындай шек менен кармалып, камалышы Жогорку бийлик бутагы болгон парламенттин кадыр-баркын түшүрбөйбү? “Азаттыктын” “Ыңгайсыз суроолор” телепрограммасынын бүгүнкү чыгарылышында ушул жана башка суроолорго жооп издейбиз. Талкууга “Бүтүн Кыргызстан” партиясынын лидери Адахан Мадумаров жана өкмөт башчынын кеңешчиси Токон Мамытов катышты.