Жоолук күнү Кыргызстанда да белгиленди

Кыргызстанда Жоолук күнү белгиленди. “Умма” ислам журналы уюштурган иш-чара быйыл төртүнчү жолу өткөрүлүп жатат. Жоолук күнүндө жоолуктун исламдагы, дегеле аялзатынын жашоосундагы орду тууралуу айтылып, бүгүнкү күндө жоолук салынган кыздардын кандай көйгөйлөргө туш болору, калыптанган жаңылыш ой-пикирлерди жокко чыгаруу маселелери көтөрүлдү.