Кыргызстанда чакан насыя алган жарандар көбөйүүдө. Улуттук статистика комитетинин маалыматына караганда, былтыр насыя алуучулар мурдагы жылга салыштырганда 38 миң адамга көп болду. Бул дээрлик 21% көп.
Жалпысынан 2017-жылдын тогуз айында Кыргызстандагы чакан насыя компаниялары 12 млрд. 151 млн. сом бөлүп беришкен. Насыя алуучулардын саны 214 миң адамга жетти.
Жарандар насыяны негизинен керектөө муктаждыктарына, айыл чарбасына, соода-сатык жана коомдук тамактануу тармактарына алууда.
Насыяны эң көп алгандар Ош облусунда, эң азы Ысык-Көл облусунда.
Ал эми алган акчасын убагында төлөй албай жүргөндөрдүн карызы ушу тапта дээрлик 12 млрд. сомго барабар.
