Ылайды искусствого айланткан сүрөтчү

Сүрөтчү Төлгөбек Койчуманов белгилүү актер жана сүрөтчү Сүймөнкул Чокморовдун жана кинорежиссер Төлөмүш Океевдин портретин топурактын (ылайдын) жардамы менен тартты. Автор бул эмгектерин 17-ноябрь - кыргыз киносунун күнүнө арнады. Сүрөтчү буга чейин президент Алмазбек Атамбаевдин жана акын Токтогул Сатылгановдун портретин өзгөчө ыкма менен тарткан. Ал 2014-жылы экранга чыккан «Аку» мультипликациялык тасмасынын автору катары да белгилүү. Сүрөтчүнүн быйыл жараткан эмгектеринин катарында манасчы Саякбай Каралаевдин айран менен тартылган сүрөтү да бар.