Кыргызстанда Патрулдук милиция башкармалыгы жоюлуп, Жол кыймылынын коопсуздугун камсыздоо башкы башкармалыгы болуп түзүлдү.
Өкмөттөн «Азаттык» радиосуна билдиришкендей, тиешелүү токтомго премьер-министр Сапар Исаков 9-ноябрда кол койду. Ал эми өкмөттүн бүгүнкү жыйынында Исаков аталышы өзгөргөн мекемеде репутациясы булганбаган адистер иштейт деген ишенимин билдирди.
Патрулдук милиция башкармалыгы 2016-жылдын 1-апрелинде ишке киришип, Жол кайгуул жана МАИ кызматы ага бириктирилген.
