Молдалиев: Диний кызматкерлердин шайлоодо үгүт кылуусуна тыюу салынган

Тиешелүү мамлекеттик органдар белгилүү дин аалымдарынын шайлоо өнөктүгүнө аралашып жатышына көңүл буруп, чара көрүшү керек. Мындай пикирин бүгүн “Азаттык” радиосуна курган маегине Дин иштери боюнча мамлекеттик комиссиянын мурдагы жетекчиси Орозбек Молдалиев билдирди. Анын белгилешинче, Чубак ажынын Сооронбай Жээнбековдун үгүт жолугушуусунда ага добуш берүүгө үндөгөнү Конституция баш болгон бир катар мыйзамдарды бузууга жатат. Орозбек Молдалиев менен кабарчыбыз Рахат Кеңешова маектешти.