Кыргызстандык кыз-келиндердин тандоо укугу

Бишкектеги Ош базарында башка улуттагы эркек менен кетип баратканы үчүн зомбулукка кабылган келин тартылган тасма коомчулукта кызуу талкууга түшүп, ача пикирди жаратты. Социалдык тармактардагы талкууда айрымдары муну адамдын жеке жашоосуна кийлигишүү деп сындаса, кээ бирлери кызды жаакка чапкан баланы кубаттап жазышкан. Буга чейин Ош шаарындагы мечиттин имамы студенттер менен жолугушууда кыздарды чет өлкөлүктөргө турмушка чыкпоого үндөгөн эле. Кыргызстандык кыз-келиндердин тандоо укугу сакталганбы? Ал кимден же эмнеден көз каранды? “Аялзат” берүүсүнүн бул жолку чыгарылыш ушул темага арналды.