Ат-Башы ГЭСинин кышка даярдыгы

Нарын облусунун электр керектөөсүнүн отуз пайызын камсыз кылган Ат-Башы ГЭСи быйыл кайра оңдолбойт. Буга оңдоп-түзөө долбоорунун даяр болбой калганы себеп болду. ГЭСти оңдоо үчүн быйыл Швейцариядан алынган 19 миллион долларлык грант жумшалат деп мерчемделген болчу. Адистер мындан туура 47 жыл мурун курулган Ат-Башы ГЭСи тезинен реконструкцияланбаса иштен чыгышы мүмкүн деп тынчсызданып жатышат.