Опера жана балет театрындагы айкелдер жаңыланат

Абдылас Малдыбаев атындагы Кыргыз улуттук академиялык опера жана балет театры бир жыл мурун оңдоп-түзөтүүгө жабылган. Учурда социалдык тармактарда театрдын фасадына коюлган скульптуралык ансамбль талкаланып жатканы айтылып, бул маалымат коомчулуктун кызуу талкуусуна түштү. Театр жетекчилиги жана курулушчулар “Азаттык” үналгысына театрдын чатырынан алынган айкелдер кырк беш күндүн ичинде баштапкы абалына келтирилип, кайра орнотуларын айтты.