Айгүл Текебаева: Ташиев берген виски үйдө турат

“Ата Мекен” саясий партиясынын учурда соттолуп жаткан лидери Өмүрбек Текебаевдин жубайы Айгүл жети жыл мурда күйөөсүнө “Ата Журт” партиясынын лидери Камчыбек Ташиев белек кылды деген вискинин таржымалы тууралуу айтып берди. Муну ал акыркы күндөрү интернет айдыңында талкууга түшкөн аудиотасмага тактык киргизүү максаты менен байланыштырды. Саясатчылар Бекназаров менен Ташиевдин маеги саналган аудиотасмада Ташиевдикине окшош үн Текебаевге “туулган күнүнө 23-декабрда белекке вино бергендиги эсинде жогун” айтып жатат.