Ысык-Көлдүн тескейиндеги этнофестиваль

Этнофестиваль “Тескей жээк” деп аталып, анда кыргыз элинин эзелтен келе жаткан оюндарын, каада-салттарын, тамак-аштарын элге кеңири тааныштыруу максаты алдыга коюлду. Фестивалды уюштурган жергиликтүү ишкерлер менен USAID уюмунун ишкерликти колдоо долбоорунун өкүлдөрү чет өлкөлүк туристтерге улуттук тамак-аштарды даярдоо ыкмаларын өздөрүнө жасатып үйрөтүштү жана “Кара жорго” бийин бийлетип көңүлдөрүн ачышты. Кол өнөрчү усталар менен уздар өз колдорунан чыккан буюмдарын соодалап, кардар тарткандарына да кубанычта болушту.