Турсунбек Акун президенттикке аттанды

“Адам укугу” саясий партиясы 6-июлда биринчи курултайын өткөрүп, төрагасы Турсунбек Акунду президенттикке талапкерликке көрсөттү. Укук коргоочу курултайдын катышуучуларына мамлекет башчысы болуу чечимин кабыл алууга түрткү берген жагдайлар тууралуу маалымат берип, шайлоого катышуу программасы менен тааныштырды. 5-июлга карата президенттикке талапкер болуп катталуу арызын Боршайкомго 16 жаран тапшырды. Алардын экөөнү партиясы көрсөттү, калган 14ү – өзүн өзү көрсөткөндөр. Талапкерликке арыздар 1-августка чейин кабыл алынат. Президенттик шайлоо Кыргызстанда 15-октябрда өтөт.