Шайлоодогу жаңы өзгөрүүлөр талкуу жаратты

Бишкекте жаңы күчүнө кирген шайлоо мыйзамындагы оош-кыйыштар талкууланды. Жарандык активисттер, президенттикке талапкерлигин кое турганын жарыялаган айрым саясатчылар, эксперттер жаңы мыйзамдагы шайлоо күрөөсүнүн жана шайлоо фондунун көбөйтүлүшү, саясий партиялар үчүн шайлоо босогосунун жогорулашы жана байкоочуларга киргизилген чектөөлөргө нааразылык билдиришти. Жыйынга бийлик өкүлдөрү, парламенттеги көпчүлүк коалицияга кирген фракциялардын депутаттары катышкан жок.