Эшимбеков: Кыргызстан БАЭни көп жагынан кызыктырат

Бириккен Араб Эмирлиги Нарын-Торугарт жолун курууга 57 миллион доллар жеңилдетилген насыя берет. Бул тууралуу аталган өлкөдөгү Кыргызстандын элчиси Чыңгыз Эшимбеков "Азаттыктагы" маегинде билдирди.Элчи Бириккен Араб Эмирлигинин тышкы иштер жана эл аралык кызматташуу боюнча министри, шейх Абдалла бин Зайед Аль-Нахаяндын 24-майдагы Кыргызстанга бир күндүк расмий сапары, эки өлкө ортосундагы алака-катыш тууралуу айтып берди.