Сыма Цянь жана кыргыз тарыхы

Алгачкы Кыргыз мамлекеттүүлүгү мындан 22 кылым башта пайда болгондугун Сыма Цянь деген улуу кытай тарыхчысынын эмгектеринен билет эмеспизби. Ошого таянып, 2002-жылы Кыргыз мамлекеттүүлүгүнүн 2200 жылдыгын Бириккен Улуттар Уюмунун чечими менен белгилегенбиз. Бирок ошол Сыма Цянь деген ким болгон, эмне деген эмгектери бар жана алгачкы кыргыз мамлекетин кайдан жана кантип билген деген суроолорго жоопту баарыбыз эле биле бербейбиз.