Өзгөн районундагы жер көчкүдөн жана Чоң-Алайдагы жер титирөөдөн жабыркагандарга акчалай жардам берүү максатында Кызыл чырым коому атайын өнөктөштүк уюштуруп жатат. Уюмдун Бишкектеги өкүлчүлүгүнөн кабарлашкандай, табигый кырсыктан жабыркагандарга коопсуз жайдан тышкары акчалай жардам, азык-түлүк, кийим-кече, гигиеналык каражаттар талап кылынууда. Буга байланыштуу Кызыл чырым коомунун бардык облустардагы өкүлчүлүктөрүндө гуманитардык жардам кабыл алуу түйүндөрү иштеп жатат.
Өзгөндөгү жер көчкүнүн кесепетинен жыйырма бешке чамалуу киши набыт болгон. Чоң-Алайдагы жер титирөөдөн сегиз үй жараксыз болуп, 600гө чамалуусу авариялык абалга кептелген. Учурда райондун Карамык, Кара-Тейит, Жекенди жана Шибээ айылдарынын үч миңдей жашоочусу чатырларда күн кечирип жатат.(ZKo)
Акчалай жардам үчүн банк эсептери:
Кыргызстандын Улуттук кызыл чырым коому.
ИНН: 02111201210065
МФО 111002 Филиал ЗАО "Банк Азии"
р/с №1110200030000828
ОКПО 27940636
Төлөм коду: 55102000
Элсом: 0558 08 05 57
