Теракттар мигранттарды жаман көрсөтөт
Өткөн жумада Санкт-Петербург шаарындагы жардыруудан кийин орус бийлиги борборазиялык мигранттарды бардык жерде тыкыр текшерүүгө алып жатканы мекендештер арасында тынчсызданууларды жаратууда. Кыргызстандык мигранттарга болгон мамиле мыйзамдуубу же орус полициясы ыйгарым укуктарын ашыра пайдалып жатабы, мамлекеттер аралык келишимдердин жоболору аткарылабы, жеңилдиктер байкалабы, “кара тизме” качан азаят ж.б.у.с. маселелерди бүгүнкү “Арай көз, чарай” берүүбүздө сөз кылабыз. Талкууга өкмөттүн миграциялык саясат бөлүмүнүн башчысы Майрамбек Бейшенов, Санкт-Петербург шаарындагы кыргыз диаспорасынын жетекчиси Кочкорбай Кутунаев жана Москвадагы “Элдик-Чындык” борборунун жетекчиси Бектур Исраилов катышты.