Кыргызстанда күзүндө боло турган президенттик шайлоого катышарын ушул тапта бир нече саясатчы жарыялады. Бирок алардын арасынан мамлекет башчылыгына талапкер болом деген аялдардын карааны көрүнө элек. Бул жолку президенттик шайлоого аялдар барабы? Кыргыз коому аял талапкерди колдой алабы? Деги эле бүгүнкү күндө саясаттагы аялдардын артыкчылыгы жана өксүктөрү эмнеде? "Азаттыктын" "Ыңгайсыз суроолор" телепрограммасынын бул жолку чыгарылышында ушул жана башка суроолорго жооп издедик. Талкууга Жогорку Кеңештин депутаты Айнуру Алтыбаева жана “Демократ” партиясынын төрагасы Сейтек Качкынбаев катышты.