Парламенттеги “Ата Мекен” фракциясынын лидери Өмүрбек Текебаевдин камакка алынышы нааразы болгондорду көчөгө чыгарды. Оппозиция бийликтен саясий куугунтукту токтотууну талап кылууда. Бийлик башчылары бул иште саясат жок деп ишендирип, соңку окуя депутатты калкалагандарга да сабак болушу керек деп эсептеп жатат. Өлкөдөгү соңку саясий кырдаалдын нугу кайда баратат? Кыргызстан дагы эле демократиянын принциптерин, баалуулуктарын туу туткан өлкөнү куруу багытындабы же кайрадан мурунку бийликтердин жолоюна түшүп баратабы? Мурдагы өнөктөштөрдүн айыгышкан тирешинин алкагында саясий маданият, өлкөдөгү туруктуулук, мамлекетүүлүктү сактоо түшүнүктөрү көз жаздымда калып жаткан жокпу? "Азаттыктын" “Ыңгайсыз суроолор” телепрограммасынын бул жолку чыгарылышында ушул жана бакша суроолорго жооп издедик. Талкууга “Ата Мекен” фракциясынын депутаты Аида Салянова жана КСДП фракциясынын депутаты Узарбек Жылкыбаев катышты.