"Азаттык" радиосунун кабарчысы маалымдагандай, Нарын шаардык мэриясынын жыйындар залына бүгүн 20га чукул адам чогулуп, Текебаевдин камалышына байланыштуу өз ойлорун билдиришти. Алар депутат "жасаган кылмышына жооп бериши керектигин айтышып, элди козутпоого" саясатчыларды чакырышты.
- Текебаев элди курал катары колдонуп жатат, биз анын ким экенин билебиз, -деди Нарын шаарынын тургуну Жаныбек Асанов.
26-февралда УКМКга камакка алынган "Ата Мекен" фракциясынын лидери, депутат Өмүрбек Текебаевдин миңдеген тарапкерлери Бишкектеги Ак үй алдында, Базар-Коргон районунда аны бошотуу талабы менен нааразылык акциясын өткөрүүдө. (MiK/NT)
