Текебаев Атамбаевдин байлыгын териштирет

Жогорку Кеңештеги “Ата Мекен” фракциясынын лидери Өмүрбек Текебаев президент Алмазбек Атамбаевге "байлыгын, бизнестеринин сырын билүү үчүн" депутаттык суроо-талап жөнөтүп жатканын билдирди. 31-январда өткөн маалымат жыйынында президенттин соңку он жылда төлөгөн салыгы, социалдык төлөмдөрү, ошондой эле баалуу кагаздары боюнча да тиешелүү мамлекеттик орган-мекемелерге кайрылганын маалымдады.