"Азаттык” токко урунуп эки колунан ажыраган Самат тууралуу 2011-жылы атайын берүү даярдаган. Анда ал чоңойгондо жасалма кол салдырып, машине айдагысы келерин айткан эле. Ал азыр Мамлекеттик каттоо кызматына жумушка кирген, буту менен компьютер терип иштеп жатат. Анын дагы бир максаты австралиялык тубаса мунжу Ник Вуйчич менен жолугуу. Каарманыбыздын жасалма болсо да колдуу болуу кыялы да дале күчүндө.