Чыныгы устат

Кеңешбек агай 25 жылдан бери Түп районундагы Долон кыштагынан Жылдыз айылына чейин ат менен барып-келип иштейт. Жолдун узактыгы он чакырым, ортодо бөксө тоо бар. “Азаттыктын” кабарчылары Уланбек Эгизбаев жана Уланбек Асаналиев тарткан “Жол” даректүү тасмасында агайдын күн сайын эки сааттык азаптуу жолу жана мугалимдик кесипке болгон сүйүүсү чагылдырылган эле. Быйыл күз айларында Кеңешбек Шоруков президенттин колунан “Эмгек сиңирген мугалим” наамын алган.