Кошмо штаттардын президенттигине Демократиялык партиядан талапкер Хиллари Клинтон Нью-Йорк штатындагы Чаппакуа шаарындагы шайлоо бекетине күйөөсү, АКШнын мурдагы президенти Билл Клинтон менен кошо келип добуш берди.
Мурдараак АКШнын вице-президенттигине Демократиялык партиядан талапкер Тим Кейн Ричмонд шаарында журналисттер алдында сүйлөп жатып “биз колубуздан келгендин баарын жасадык, эми баары шайлоочулардын колунда” деп айткан.
Америкалыктар 8-ноябрда 45-президентин эле эмес, Конгресстин Эл өкүлдөр палатасынын бүткүл 435 мүчөсүн жана 100 сенатордун 34үн шайлашууда.
Хиллари Клинтондун башкы атаандашы Республикачылар партиясынан талапкер Дональд Трамп.
