Ала-Букада каза болгон кары аялдын сөөгү жерге эки ирет берилип, кайра казылып, үчүнчүсүндө жашыруун көмүлдү. Жаңжал маркум тирүү кезинде исламдан башка динди тутунган деген кинеден чыкты. Маркумдун сөөгүнө акаарат көрсөтүү аракетине мыйзам кандай баа берет? Диндер арасындагы сабырдуулукка шек келтирген бул өңдүү окуяларда мамлекеттин, дин алымдарынын ролу кандай болушу керек эле? "Азаттыктык" “Ыңгайсыз суроолор” телепрограммасынын бул жолку чыгарылышында ушул жана башка суроолорго жооп издедик. Талкууга - Муфтияттын фатва бөлүмүнүн кызматкери Бактияр Токтогазы уулу, укук коргоочу Турсунбек Акун жана дин таануучу Назира Курбанова катышты.