Бул тууралуу Ирандын "Мизан" маалымат агенттиги 18-октябрда маалымдады. Ирандын жана АКШнын жарандыгы бар Сиамак Намази жана анын 80 жаштагы атасы Бакиер Намази “душман болгон Американын өкмөтү менен кызматташкан” деп соттолду.
Сиамак Намази 2015-жылы октябрь айында Иранга келгенде кармалса, ЮНИСЕФ менен кызматташкан атасы быйыл февраль айында камалган. Ал да кош жарандуулукка ээ. Кошмо Штаттар Тегеранды аларды бошотууга чакырды. Акыркы айларда Иранда кош жарандыгы бар бир нече адам кармалды. (AiT)
