Конституцияга өзгөртүү киргизүү жөнүндөгү мыйзам долбоорун иштеп чыгууга аталган фракция да катышкан. Парламенттеги КСДП, “Кыргызстан”, “Өнүгүү” жана "Бир бол" фракциялары менен биргеликте 27-июлда өзгөртүүлөр боюнча мыйзам долбоорун өз ара макулдашып, коомдук талкууга алып чыгышкан.
Бүгүнкү жыйында Конституцияга сунушталган өзгөртүүлөрдүн талкуудан кийинки варианты ортого салынат. Баш мыйзамды өзгөртүүгө оппозициялык күчтөр, жарандык коом, Убактылуу өкмөттүн бир катар мүчөлөрү каршы чыгып, бул аракет бийликти узурпациялоого кептей турганын айтып келишет. (NT)
