Бишкекте 23-августта көчө музыканттарынын “Музыкалык Эркиндик” деген аталыштагы флешмобу өттү. Классикалык музыкалардын “Тенгри-мюзик” эл аралык фестивалын утурлай өткөн флешмобго түрдүү муызкалык аспаптарда ойногон музыканттар катышып, жаштар ырдап, бийледи. Адистер “Музыкалык Эркиндикти” маданият тармагындагы жаңыча изденүү экенин белгилешет. Мында музыканттар өздөр билген музыкалык аспапта көрүүчүлөргө өз өнөрүн эч кандай фонограммасыз тартуулайт.