Мигрант акындын кечеси

Миграция поэзиясындагы жаңы сөз 13-июнда Бишкекте Орусияда иштеген кыргызстандык мигрант-акын Нарсулуу Гургубаеванын "Алыстагы ак жарык" аттуу китебинин бет ачары өттү. Адабиятка өзгөчө үнү, муңдуу саптары менен кирген акындын ырлары буга чейин интернет желелеринде, гезит-журналдарда жарыяланып, поэзия күйөрмандарынын бүйүрүн кызытып келген. Адабиятчылар Нарсулуу Гургубаеваны миграция поэзиясынын таланттуу өкүлү катары баалап жатышат. Акын он жылдан ашуун убакыттан бери Москвада жашайт. Бул ортодо Максим Горький атындагы Адабият институтунан билим алган.