36 жаштагы Эрлан кесиби боюнча социолог. Окуусун Бишкектеги окуу жайлардын биринде аяктагандан кийин Түркия, Корея өңдүү бир катар өлкөлөрдө иштеп келген. Бирок мындан он жыл мурун болгон кырсык анын жашоосун түп тамырынан өзгөрткөн. Ал 2006-жылы жол кырсыгына кабылып, бир катар операция, тынымсыз дарыланууга карабай буту баспай, арабада отуруп калган. Тагдыр татаал жолду ыроолосо да Эрлан жашоо үчүн күрөшүп, досторунун, ата-энесинин колдоосу менен төшөктө турбай жатып калган бейтаптар үчүн ыңгайлаштырылган медициналык керебет жасаган устакана ачкан.