Интернет тааныштырат, ажыраштырат...

Улуу Британиядагы Slater and Gordon Lawyers юридикалык фирмасынын иликтөөсүнө катышкан түгөйлөрдүн 25% жок дегенде жумасына бир жолу Фейсбуктун айынан урушарын ачыкташкан. Мындан улам изилдөөчү адистер Твиттер, Фейсбук, Вотсап, Одноклассники жана башкалар адамдарды тааныштырган да, ажыраштырган да күчкө ээ болуп калганын белгилешет. Бүгүнкү күндө Кыргызстанда да социалдык тармактарды колдонгондордун саны өсүүдө. Соңку учурларда дал ушул социалдык тармактардын айынан кайрылган жаш түгөйлөр көбөйүп жатканын жергиликтүү психологдор белгилешүүдө.