Бишкектеги Токтогул атындагы адабият музейинде бүгүн кинорежиссер, СССР эл артисти Төлөмүш Океевдин 80 жылдыгына арналган көргөзмө ачылат. Аны Бишкек мэриясынын музейлер бирикмеси уюштурууда. Көргөзмөгө маданий ишмердин өмүр-таржымалына арналган эмгектер, сүрөт жана китептер коюлат.
Океев 1935-жылы Тоң районундагы Бөкөнбаев айылында төрөлгөн. 2001-жылы 66 жаш курагында жүрөк оорудан Анкарада каза таап, сөөгү Бишкектеги "Ала-Арча" көрүстөнүнө коюлган.
Анын “Бакайдын жайыты”, “Уркуя”, "Көк серек", “Кызыл алма”, “Алтын күз”, “Ак илбирстин тукумдары" деген тасмалары белгилүү. (SE)
