Талас дубанында балдарын эмдетүүдөн баш тарткан ата-энелердин саны 261ге жетти. Бул туурасында “Азаттыкка” облустук санитардык-эпидемиологиялык көзөмөл борборунун иммунологу Дамира Алиева билдирди. Анын айтуусунда, ата-энелер вакцинациядан баш тартуусун диний көз караштарына байланыштырышкан.
Былтыр облус боюнча кызамык менен 500дөй адам ооруган. Алардын көпчүлүгү көп жылдан бери эмдөө албаган бир жашка чейинки балдар болгон. Бир жашка чейинки ымыркайларды милдеттүү түрдө эмдөө кызамык, шал ооруларын алдын алат.
Республикалык Иммунопрофилактика борборунун буга чейин берген маалыматына ылайык, Кыргызстанда диний көз караштан улам баласын эмдетүүдөн баш тарткандар 6000 чамалуу. (SS)
