Атамбаевдин Франция сапары

29-ноябрда президент Алмазбек Атамбаев жумушчу сапар менен Парижге барды. Мамлекет башчысы 30-ноябрда БУУнун климаттын өзгөрүшү боюнча жыйынында сөз сүйлөйт. Мындан сырткары Парижде 13-ноябрдагы теракт курмандыктарынын эстелигине гүлчамбар коет. БУУнун глобалдык климатка арналган кезектеги 21-конференциясы 30-ноябрда башталып, 11-декабрда аяктайт. Эл аралык жыйындын максаты – планетанын орточо температурасын эки градустан төмөн кармоо боюнча келишимге кол коюу болуп саналат. Ага дүйнөнүн 140 мамлекетинин президенттери жана өкмөт башчылары катышат. Президент Атамбаев Бишкекке 1-декабрда кайтат.