“Эсибизде, аза күтөбүз” деген акция өттү
18-ноябрда журналисттер акциясы Жогорку Кеңеш имаратынын алдында өттү. Акция “Эсибизде, аза күтөбүз” деген аталышта парламентте айрым журналисттерге аккредитация берүүдөн баш тартууга байланыштуу уюштурулду. Мындай акция менен журналисттер коомчулук жана депутаттардын көңүлүн аккредитация маселесине бурууга аракет жасады. Жогорку Кеңештин аппарат башчысы Ратбек Эшмамбетов журналисттерди аккредитациялоо иштери уланып жатканын, ошондуктан ага чек коюлду деген сөз туура эместигин билдирген.