Бул тууралуу “Азаттыкка” “Ата Мекендин” лидери Өмүрбек Текебаев өкмөт түзүмүн талкуулаган фракция жыйынынан соң билдирди. Анын айтымында, аталган фракция өкмөттөгү иштин туруктуулугу үчүн башка министрликке талапкерлерди сунуштаган жок. Бир гана социалдык өнүктүрүү министри Кудайберген Базарбаевди ордунда калтыруу сунушталды. Бүгүн премьер-министрликке талапкер Темир Сариев фракцияларда маалымат берүүдө. Ушул тапта КСДП фракциясы талапкердин өкмөт башчы катары мындан аркы пландарын жана өкмөттүн курамын угуп, талкуулап жатат. (КЕ)
