Бүгүнкү Макмал...

Жалал-Абаддын Тогуз-Торо районунда жайгашкан “Макмал” комбинатында алтындын уурдалышы боюнча 12 адам иштен убактылуу четтетилди.

Бул фактыны азыр Улуттук коопсуздук боюнча мамлекеттик комитет иликтеп жатат. Ал арада “Кыргызалтын” мамлекеттик ишканасы комбинаттын ишин үзгүлтүккө учуратпоо, уурулукту тыюу жолдорун издөөдө. 12-октябрда уу калдыктар сакталчу жаңы жай да ишке берилди.