Төрөткана санын кыскартуунун оош-кыйышы

Кыргызстандын аймактарындагы төрөтканаларды кыскартып, ирилештирүү жараяны төрөт курагындагы элеттик энелердин өмүрүнө коркунуч жаратып, жакындарын оор түйшүккө салууда. Саламаттык сактоо министрлиги муну эне-баланын саламаттыгына көз салууну жакшыртуу максаты менен түшүндүрүшөт. Эксперттердин баамында мындай реформа тиешелүү адистердин жана каражаттын тартыштыгынан жасалып жаткан аргасыз кадам. Ош облусунун алыскы аймактарында түзүлгөн мындай көйгөй тууралуу кепти аймактык кабарчыбыз Ыдырыс Исаков улайт.