Москвадагы П.И. Чайковский атындагы консерваториянын студенти, бир нече эл аралык конкурстардын лауреаты, В.Спиваков фондунун стипендиаты, виолончелчи Айдер Рысалиевдин концерти Бишкектеги Улуттук консерваторияда өттү. Жаш музыкант көрүүчүлөргө Бах, Локателли , Пиатти, Дворжак өңдүү дүйнөлүк классикалык музыка өкүлдөрүнүн чыгармаларын аткарып берди.