Манасты өзбекче сүйлөткөн Малика

Мар Байжиев түзгөн "Манас" үчилтигин өзбек тилине которгон жазуучу, котормочу Малика Камиловага “Данакер эне” сыйлыгы тапшырылды. Мухтарбек Өмүракунов атындагы коомдук фонд негиздеген бул сыйлык Камиловага улут аралык достукту арттырып, маданий байланышка салым кошкону үчүн ыйгарылган. Малика айым “Азаттыкка” “Манас” үчилтигин кантип таржымалдап калганын айтып берди.