Сузактын Кыржол айылында 24-майга караган түнү көчкү жүрүп, кыр боорундагы беш үйдү жана айылдык эмкананы басып калды. Өзгөчө кырдаалдар министрлигинин маалымдашынча, 23-майдан 24-майга оогон түнү саат 01:49 чамасында Сузак районунун Ырыс айыл аймагынын Кыржол айылында жер көчкү жүрүп, 5 үйдү басып калган. Тастыкталган маалыматтар боюнча 6 адам көчкүнүн астында калган. Азыркы сааттарда алардын баарынын сөөгү көчкүнүн алдынан табылып, алынганын Өзгөчө кырдаалдар министрлиги билдирди.
( Өзгөчө кырдаалдар министрлигинин сүрөттөрү)
( Өзгөчө кырдаалдар министрлигинин сүрөттөрү)
