“Вечерний Бишкек” гезити басылманы рейдерлик жол менен басып алуу аракети жүрүп жатканын жана анын артында президенттин айланасындагы "бир ууч" адамдар турганын айтып чыгышты. Басылма айыптаган адамдардын бири, президенттин кеңешчиси Фарид Ниязов аталган дооматтарды четке какса, өткөн аптада мындай “жалган жалааларга” чыдоо кыйын деп президенттик аппараттын жетекчи орун басары Икрам Илмиянов кызматынан чегинди. Ушул тапта президенттин тапшырмасынын негизинде “Вечерний Бишкектин” кайрылуусунда айтылган дооматтардын чын-төгүнү иликтенип жаткан кез. Бүгүнкү студиянын коноктору: Жогорку Кеңештин депутаты Нурбек Касымбеков жана “Вечерний Бишкек” гезитинин саясат боюнча шеф-редактору Нарын Айып.