Лөлү жаштарын билимге чакырган тарыхчы

Ош шаарынын четинде жайгашкан Жаңы-Кыштак айылында учурда 4 миңдей лөлү тектүүлөр жашайт. Алардын баары эле биз элестеткендей, тилемчилик кылып, таштандыдан темир-тезек издебейт. Өзгөчө лөлү жаштарынын учурда билим алууга дилгирлиги күч. Мааледеги жалгыз мектепте 500дөн ашык бала окуйт. Аларга башка мугалимдер менен катар лөлү тектүү Төлөн Кадыров тарых сабагынан билим берип келет. Төлөн агай бул элден чыккан алгачкы мугалим. Аны Оштогу лөлүлөрдүн Дүйшөнү десе да болот. Жаңы-Кыштактын жашоочулары арасынан биринчилерден болуп диплом алып, лөлү жаштарын билим дүйнөсүнө чакырган Төлөн Кадыров тууралуу сюжетти Албина Жолоева менен Аззам Бузириков жөнөтүшкөн.