Бүгүн Азиянын биржаларындагы соодада европалык бирдиктүү валютанын америкалык долларга карата курсу акыркы 13 жылдан берки эң төмөнкү чекке түштү.
Башкача айткада 1 евро 1,0785 долларга сатылды. Бул - 2003-жылдын сентябрынан берки эң төмөнкү курс.
Аналитиктердин айтымында, америкалык доллар АКШнын борбордук банкы – Федералдык резерв системасы быйыл жыл ортосуна барып кредиттер боюнча үстөгүн көтөрүүнү баштайт деген божомолдон улам кубаттанууда.
Бул аралыкта Европанын борбордук банкы экономиканы стимулдаштыруу боюнча узактан бери күтүлгөн чара – триллион еврого баалуу кагаздарды сатып алуу өнөктүгүн баштады.
Евро алгач жүгүртүүгө киргизилген 2002-жылдын 1-январында доллардан алсыз болчу, бирок ошол жылдын соңунан тарта нарк жагынан америкалык валютаны басып өтө баштаган. (UE)
