Жакынкы күндөрдө Кара-Суу шаарындагы мечиттин имамы Сирияга барууга чакырык жасап, халифат курууга үндөгөн деген шек менен эки айга камакка алынганы коомчулукта түрдүү талкууга жем таштады. Бул жагдай экстремисттик диний күчтөр менен күрөшүүнүн натыйжасыбы же өлкөдө диний кырдаалдын курчуп баратканынан кабар береби? "Ыңгайсыз суроолор" телеберүүсүнүн коноктору: "Куран нуру" институтунун ректору, ислам аалымы Садыбакас Доолов, И. Арабаев атындагы Кыргыз мамлекеттик университетинин ректору Төлөбек Абдрахманов жана ИИМдин 10-башкы башкармалыгынын башчысы Рафик Мамбеталиев.