Кыргыз базарындагы орус машинелери

Оштогу унаа базарда Орусия өндүрүшүнө таандык автоунаалар көбөйө баштады. Алардын басымдуусу УАЗ, "Нива", "Жигули" автоунаалары. УАЗды Тоолуу Алайкуу өрөөнүнүн эли жакшы алып жатканы байкалат. "Ниваны" жайлоого жана дыйканчылыкка чыдамдуу деп сүйгөндөр дагы деле табылууда. Ал эми "Жигулиге" орто муун өкүлдөрү кызыкканы байкалат. Сатып алуучулар орус унааларынын баасынын арзандыгын, тетиктеринин кенендигин жана оңдоодо кыйынчылык жаратпаганын макташууда. УАЗдардын орточо баасы 7-8 миң доллар болсо, "Жигули" менен "Нива" баасы 150-250 миң сомдун тегерегинде.