Эрдоган-Гүлен тиреши Борбор Азия, Кавказга сезилди

Өткөн апталарда Тажикстанда өлкөдөгү түрк лицейлери менен келишимди узартпай турганын билдиришти. Тажик бийликтери “Шолала” мекемесине акысыз билим берүүгө өтсүн деген шарт койду. Андан мурун бозгундагы түрк диниятчысы Фетхуллах Гүлендин жолдоочулары түзгөн мектептер Азербайжанда басымга кабылып, мамлекетке караштуу ишканага берилген эле. Мындан улам мындай серепчилер Түркиядагы Гүлендин Хизмет кыймылы менен президент Эрдогандын тирешинин эпкини катары баалашууда. Бул тирештин таасири Кыргызстандагы түрк билим берүү жайларына тийиши мүмкүнбү?