Кыш чилдеде кымыз ич
57 жаштагы Алайдын Корул айылынын кулуну Тагай Кайкыев беш жылдан бери 365 күн бою тынымсыз бээ саайт. Ал учурда үй-бүлөсү менен “Манас” аэропортунун жанына көчүп келип, кыш чилдеде кымыз бышып, шаардыктарды таң калтырууда. Байлоосунда сегиз бээ бар, айрымдары орсок саадырат. Жем-чөптүн күчү менен бээлерди суткасына сегиз маал саашат. Тааныштары аны “Тагай бий” деп тергешет. Айтымы, кышкы кымыздын дарылык касиети өзгөчө болот.