Көчмөндөр оюну: тойдун чыры уланууда

Бүткүл дүйнөлүк көчмөндөр оюнун өткөрүүдө Чолпон-Атадагы ат майданды оңдоо үчүн өкмөт 72 миллион сомдон ашык каражат бөлгөн. Майданды курган “Темир Канат” ишканасы бул акчадан тышкары дагы курулушта 14 миллион сомдук иш жасалганын айтып, Дене тарбия жана спорт агенттигинен бул каражатты төлөп берүүсүн талап кылууда. Агенттик азыр объекттин курулушу боюнча текшерүү иштери жүрүп жатканын айтып, эгер бул акча тастыкталса гана төлөп бере турганын билдирүүдө. Бул арада прокуратура бюджеттен берилген 72 миллион сомдун 11 миллиону дайынсыз деп, жемкорлук боюнча кылмыш ишин козгоду.